Sulmuesi i Shpresave të Shqipërisë, Atdhe Rashiti, është një hap përpara për sezonin e ardhshëm. Ky futbollist shihet me potencial të madh, ndërsa është marrë nga Alaveshi tek të rinjtë e Bazelit, atje ku në 38 ndeshje arriti të shënonte 19 gola.
Ekipi spanjoll e ka dërguar fillimisht në ekipin B që lojtari të marrë eksperiencën dhe hapësirën e nevojshme. Madje edhe këtu do të arrinte një sukses, pasi ky ekip arriti të kalonte nga liga e katërt në Spanjë, për t’u ngjitur në tretën. Qëllimet e Rashitit i përkasin ekipit të parë të Alaveshit, ndërsa flitet për një tjetër lojtar shqiptar që mbetet për t’u mbajtur shënim. /Shqiperia.ch/