Kur Mërgim Mavraj nënshkroi me Ingolshtadin, një çmenduri më vete dukej në pamje të parë. Skuadra gjermane që gjendet në kategorinë e dytë të Gjermanisë, pra jo në elitë, rrezikon rënien edhe prej aty.
Në 14 ndeshjet e fundit, ajo nuk kishte arritur të fitonte në asnjë rast, duke përfshirë këtu edhe ndeshjet e Kupës. Bilanci negativ u zhduk me përforcimet e merkatos së janarit. Në ndeshjen e parë pas merkatos, Ingolshtadi ka dhënë rezultatet e tij positive dhe bindëse për tifozët.
Gjatë ditës së sotme, ka ardhur fitorja në transfertë ndaj Greuther Furth me rezultatin 0-1. Një super Mavraj ka mjaftuar, për të lënë pas 14 ndeshje pa fitore. Jo vetëm i pakalueshëm në mbrojtje, por mbrojtësi shqiptar ishte vendimtar edhe në golin e shënuar. Falë kontaktit që pati kundër Mavrajt, Ingolshtadi arriti të gjente golin e fitores dhe që do i dhuronte 3 pikët kësaj skuadre. Mesa duket është Gjermania vendi i duhur ku futbollisti ynë të shpalos gjithmonë vlerat, Greqia ishte një zgjedhje e gabuar që në fillim. /Shqiperia.ch/