
Ndonjëherë jeta të sprovon aq shumë, sa të dorëzohesh, është e vetmja mundësi që të ngelet për të zgjedhur. Por në këtë rrugë ecin personat e dobët, sepse ata të fortët, si Fatlum Berisha, i sfidojnë të gjitha ligjet e jetës, për të vazhduar rrugëtimin e tyre pavarësisht pengesave që u dalin përpara.
Nuk ishte e lehtë historia e Berishës, teksa vetëm përpara pak kohësh humbi djalin e tij. Tashmë ai është gati t’i kthehet gjykimit të ndeshjeve pas pushimit të gjatë për fatkeqësinë e ndodhur. Ai do të jetë së bashku me Genc Nuzën, Bujar Selimajn dhe Visar Kastratin, njerëzit që do të mbajnë drejtësinë mes Francës U-21 dhe Luksemburgut U-21, që do të zhvillohet të martën e 11 shtatorit në Strasburg.
Ky do të jetë takimi i parë për Berishës, që pas asaj fatkeqësie të ndodhur. Anësori shqiptar i sfidoi rregullat e jetës dhe ia doli, suksesi i tij është i merituar. /Shqipëria.ch/