Mërgim Mavraj kaloi te Ingolshtadi në merkaton e janarit, pas asaj aventure zhgënjyese te Arisi. Menjëherë do të merrte rolin e protagonistit në skuadrën gjermane, teksa pas penalltisë së fituar nga mbrojtësi shqiptari, do të vinte edhe fitorja e javës së kaluar në transfertë me rezultatin 0-1.
Ingolshtadi kishte 14 ndeshje pa fitore dhe një të tillë, do e gjente pikërisht nga futbollisti i Shqipërisë. Pas asaj ndeshje që e nxorri si “hero”, është koha për t’u kthyer në “zero”. Një gabim fatal mjafton për të dreqosur punën ndaj Magdeburg, në takimin e përfunduar me rezultatin 0-1.
Mavraj ishte mbrojtësi i fundit që kishte duelin me Turpitz, por ky i fundit arriti t’i shkëputej bukur për të dërguar topin në rrjetë. Pas kësaj humbje shpresat e Ingolshtadit për mbijetesë shuhen më tepër, pasi shkon në vendin e fundit të “Bundesligës 2” me 13 pikë të grumbulluara, 4 më pak se zona e shpëtimit. /Shqiperia.ch/