Këtë sezon si rrallë herë më parë, edhe në Greqi kemi dy lojtarë të Kombëtares tek e njejta skuadër. Mërgim Mavraj dhe Migjen Basha kanë firmosur me Aris, skuadrën e Selanikut, që në fillimin e sezonit.
Ajo që duhet theksuar, është karakteri i mbrojtësit shqiptar, që nuk mund të qendroj pa bërë humor në situata të ndryshme. Gjithçka nisi që në momentin kur futbollistët e Kombëtares kanë takuar së bashku edhe fansat e parë të skuadrës. Menjëherë kanë nisur fotot, ndërsa Mavraj ka nisur të bëjë humor duke thirrur në gjuhën greke:“ Hajde Basa, foto fotoo”.
Avancimi i mbrojtësi me gjuhën greke është në ritme “të frikshme”, ndërsa në mëngjesin e sotëm ka përshëndetur fansat e tij, duke shkruajtur sipër fotos: “Kalimera”. Në momente të tilla, çdo gjë e postuar nga Mavraj merret me notat humori, por përtej kësaj, gjuha greke do u duhet futbollistëve të Kombëtares që ta marrin udhëzimet e duhura dhe të komunikojnë sa më mirë me shokët e skuadrës. /Shqiperia.ch/
Mavraj-Basha on Vidnews.