
Pas një sërë peripecish të kaluara në kohët e fundit, “ministri i mbrojtjes së Shqipërisë”, ashtu siç do të preferonim ta quanim, Arlind Ajeti, mund të buzëqesh pas shumë kohësh.
Grashopërsi është ekipi i tij i ri, gjithçka është zyrtarizuar në ditën e sotme. Futbollisti shqiptar kishte shumë vështirësi për të nënshkruar dhe gjetur një ekip, megjithëse ishte një lojtar i lirë. Një rikthim në Zvicër për të, ndërsa më parë ka qenë pjese e Bazelit.
Te Grashopërsi kanë nisur që tani të gëzojnë ardhjen e shqiptarit, ndërsa drejtori sportive i ekipit zviceran, Mathias Walther beson se Ajeti do i sjell shumë përvojë dhe ndihmë klubit ku është transferuar.
“Ne jemi shumë të kënaqur që kemi reaguar menjëherë pas dëmtimit të Nathan, duke e zëvendësuar atë me Arlindin. Ai do të na sjellë shumë përvojë dhe do i vijë në ndihmë të skuadrës tonë”, ka thënë Ëalther. /Shqipëria.ch/