
Bekim Balaj ka gjetur rrjetën në kampionatin austriak, duke shënuar golin e vetëm të takimit deri në këto momente, ndërsa Sturm Grazi po fiton në transfertën e Altach në shifrat 0-1. Mënyra e realizimit ishte ajo klasike, me sulmuesi shkodran që e dërgon topin në rrjetë falë kordinimit të saktë me kokë.
Ky ishte realizimi i dytë në këtë sezon për Balajn, ndërsa të parin e kishte gjetur në debutim. Në mënyrën më të mirë ky futbollist përshëndet ftesën e dërguar nga trajneri Reja, pavarësisht disa dyshimeve të vogla që mund të ekzistonin për përfshirjen e tij në listë, apo grumbullimin e ndonjë elementi të ri. /Sport Ekspres/