Një nga talentet më të mëdha të futbollit në Shqipëri ishte Kristal Abazaj, ndërsa kalimi i tij drejt Anderlehtit nuk shkoi në mënyrën më të mirë të mundshme. Kështu, deri në këto momente futbollisti shqiptar ende nuk e ka bërë debutimin në kampionat me ekipin belg.
Por çfarë është duke ndodhur dhe ku qëndron mosmarrëveshja e lojtarit dhe trajnerit? Këtë çështje e zgjidh disi “Toutsurlefoot”, ku zbulohet edhe mënjanimi i mesfushorit shqiptar. “Talenti më i madh shqiptar, ishte emri që i vishej këtij futbollisti. Por deri tani, nuk na ka treguar asgjë në Belgjikë. Emri i tij nuk figuron në asnjë ndeshje që nga fillimi i sezonit. Në stërvitje, është edhe më keq se futbollisti tjetër që nuk po merr shumë hapësira, Adzic. Abazaj punon vetëm kur ai dëshiron. Mirëpo, me trajneri Vanhaezebrouck, këto gjëra nuk funksionojnë kështu”, shkruhet në artikull. /Shqiperia.ch/
