
Shqipëria do të ndeshet në ditën e sotme ndaj Skocisë, në takimin e vlefshëm për Ligën e Kombeve. Panuçi kërkon vazhdimësinë e rezultateve pozitive pas asaj fitore ndaj Izraelit, por për të arritur deri këtu, duhet kaluar një provë e vështirë, ajo e transfertës së Glasgout.
Sipas asaj që raporton “Supersport”, Panuçi kërkon të befasojë kundërshtarin me skemën e Kontes. Veseli, Mavraj dhe Gjimshiti do të jenë siguria e qendrës së mbrojtjes. Hysaj dhe Binaku do të jenë krahët e mbrojtjes në rastet kur Shqipëria do të mbrohet, por edhe krahët e mesfushës për të fluturuar Kombëtaren në rastet e aksioneve sulmuese.
Xhaka, Basha dhe Memushaj do të jenë në mesfushë për të vendosur balancat, ndërsa Hyka dhe Balaj do të jenë në majën e sulmit. /Shqipëria.ch/