Në vazhdim të merkatos, orët e fundit po bëhen mjaft të nxehta për situatën e Elseid Hysaj. Mbrojtësi i Kombëtarës së Shqipërisë është më valixhe në duar. Skuadra e Napolit i ka bërë dalje me kohë 25 vjeçarit duke bërë që Hysaj të skarifikohet për ekipin. Madje edhe për faktin se mbrojtësi shqiptar nuk ka bindur Anchelotin dhe stafin drejtues. Roma është destinacioni kryesor i Elseid Hysaj teksa kontaktet mes agjentit të tij dhe ekipit kryeqytetas vazhdojnë.
Mbi situatën e mbrojtësit shqiptar ka folur edhe gazetari RAI, Paolo Paganini. Eksperti i merkatos ka bërë një analizë të detajuar për Hysajn duke dalë në konkluzionin se Napolit nuk i duhet më Hysaj dhe se me paratë e tij drejtuesit do të investojnë për një bomber. Mes tyre, duket se të ardhurat nga Hysaj do të shkojnë për afrimin te Napoli të James Rodrigues ose Mauro Ikardin.
“Ditët e fundit Mario Giuffredi, agjent i Elseid Hysaj, po i intensifikon marrëdhëniet e tij me Petrachi, drejtorin sportiv të Romës dhe vlerësohet mundësia e afrimit të shqiptarit me fanellën e Romës . Fillimisht mbrojtësi u pëlqeu nga Atletico Madrid, por spanjollët nuk i kishte kënaqur kërkesa e Napolit. Kështu që tani mbetet për tu parë nëse ofertat që do të vijnë nga kryeqyteti mund t’i interesojnë klubit napolitane. Napoli për Hysaj kërkon të paktën 25-28 milion euro, një shifër që do të ri-investohet plotësisht nga De Laurentiis në treg për të marrë një bomber, pasi Napoli në mbrojtje ka Di Lorenzo, Malcuit si dhe Maksimovic”- ka thënë Paganini./Shqiperia.ch/