
Shqipëria do të ndeshet në ditën e sotme përballë Izraelit, në një ndeshje e cila vlen për formatin e ri, Ligën e Kombeve.
Atëherë, prisni pak…Data është 14 tetor apo jo? E si mund të mendoni se Shqipëria humbet në një datë të tillë? Jo jo, harrojeni! Kjo është data jonë dhe kjo është data që ne e kemi shkruar në histori. Përpara disa vitesh, në datën 14 tetor do të ishte nata e paharruar e Beogradit.
Në këtë datë, një flamur i Shqipërisë dhe me ngjyrat kuqezi do të fluturonte mbi stadiumin e Beogradit, ndërsa luanët shqiptarë në fushën e lojës, do të bënin gjithçka që ai të fluturonte i qetë në ajër. E në momentin që zbret në tokë, të ishte në duart e sigurta. U kujdesën shumë për këtë gjë, u përleshën shumë për këtë gjë dhe në fund ia arritën.
Tashmë jemi në 14 tetor të vitit 2018, kuqezinjtë e kanë bërë pronë të tyren këtë datë në histori, kurrsesi nuk mund të humbasim ndaj Izraelit. Harrojeni! /Shqiperia.ch/