Flamur Kastrati është një futbollist për t’u marrë në konsideratë nga ana e Kosovës. Sulmuesi i cili luan me Kristiansundin, vazhdon të shkëlqej në fushën e lojës, duke qënë vendimtar me prezencën e tij.
Një tjetër karakteristikë e Kastratit, është padyshim edhe mënyra sesi ai luan. Asnjëherë nuk zgjedh të dorëzohet, por gjithmonë i gatshëm për t’u ndeshur me kundërshtarët, shpeshherë edhe duke dalë përtej normave të lejuara.
Një luftëtar dhe boksier quhet nga shokët e skuadrës, pasi ka karakter të fortë dhe vullnet të hekurt. Dje Kristiasundi ka fituar me rezultatin 5-2 ndaj Lillestromit, atje ku një gol dhe dy asist erdhën nga Kastrati. Ndërkohë që dy javë më parë ky futbollist do i trembte të gjithë, pasi humbi ndjenjat në një dyluftim në fushë në përballjen ndaj Stabaek.
Mjekët u shprehën se do të mungonte për katër javë, por duke harruar që bëhej fjalë për Kastratin. Më parë ai ka luajtur edhe dy takime me Kosovën, përveç atyre në moshat e Norvegjisë, ndërsa vetëm 7 minuta janë në takimet zyrtare që në kohën e Bunjakut. /Shqiperia.ch/