Juventusi ka arritur të fitojë në transfertën e sotme ndaj Parmës me rezultatin 1-2, në ndeshjen e vlefshme për kampionatin Italian.
Megjithatë edhe në këtë takim, ylli portugez, Kristiano Ronaldo nuk e ka lënë gjurmën e tij. Pavarësisht aktivizmit për 90 minuta, Ronaldo ndien mungesën e golit, ndërsa bardhezinjtë duhet t’i falen realizimeve të Mandzukiç dhe Matuidi.
Mungesa e golit të Ronaldos në këto 3 takime, sjellë një ngarkesë të madhe psikologjike për vetë futbollistin dhe kjo nuk është e mirë për ambientin në Torino.
Nuk bëhet fjalë për një ndryshim në pamjen e jashtme këtë herë, por në shifrën e realizimit të golave. Kristiano Ronaldo nuk është më i njëjti, kjo është mirëseardhja që i bëhet në Serinë A. /Shqipëria.ch/