Më në fund mësimi për Keidi Baren ka përfunduar. Ai dënim i marrë në sezonin e shkuar për sjelljen e gabuar ndaj trajnerit, bëri që futbollisti shqiptar të dënohej për shumë kohë jashtë fushës së blertë.
Asokohe Bare luante me të rinjtë e Atletiko Madridit, ndërsa shpeshherë merrej edhe nga ekipi i parë i drejtuar nga Simeone. Tashmë një aventurë e re ka nisur për kapitenin e Shpresave, pasi është pjesë e Malagas.
Mes ekipit të parë dhe atij të dytë, të gjithë presin debutimin e Bares. Sipas të gjitha gjasave, duke parë politikën e klubit dhe vlerësimin që ka në këtë ambient për futbollistin shqiptar, Keidi Bare mund të luajë me skuadrën e parë të Malagës, për ta ndihmuar në misionin e rikthimit në elitë. /Shqipëria.ch/