Gjithmonë e njëjta histori, me këmbë ose me duar, Strakosha do të shpëtojë Lacion në sekondën e fundit të takimit.
E ka bërë aq herë në kampionat, ndërsa këtë herë e përsërit ndaj Marsejës në “Europa League”. Gjatë gjithë takimit kishte pak punë për gardianin shqiptar, i cili e pësoi një gol në atë humbje me rezultatin 2-1, ndërsa disa minuta para pritjes vendimtare, kishte bërë një dalje të pastudiuar duke i rrezikuar jo pak fitoren ekipit italian.
Për të mbërritur në sekondat e fundit, ku pas një krosimi të bukur nga krahu i djathtë, do të ishte Marusiç që do të ndërlikonte gjithçka për të dërguar topin në portën e tij. Strakosha e kishte kryer hedhjen e tij, por e ka gjetur mënyrën dhe e ka larguar topin me këmbë për të shpëtuar Lacion, në një rast ku ka vendosur jo pak edhe instikti. Gjithmonë në sekondën dhe minutën e fundit, si një ëngjëll mbrojtës. /Shqiperia.ch/