Roma ka arritur të fitojë me rezultatin 3-1 në ditën e djeshme ndaj Lacios, në një derbi i cili ishte i zjarrtë duke filluar nga minuta e parë.
Megjithatë historia e tij, u vendos disi nga goli i mbrojtësit serb të Romës, Kolarov, teksa me një goditje dënimi precize, arriti t’i jepte avantazhin skuadrës së tij. Trajneri i Lacios ia hodhi fajin në këtë rast murit mbrojtës, por Kolarov në një prononcim të dhënë për “Il Messaggero”, ndan një tjetër mendim:
“Unë e pashë që Strakosha kishte shkuar keq në krahasim me murin mbrojtës dhe prandaj e gjuajta topin në atë mënyrë. Ne duhet të provojmë që jemi një skuadër së bashku dhe kjo na bën serioz në punën tonë”, ka thënë Kolarov. /Shqipëria.ch/