Më në fund lajme të mira vijnë për italianin që drejton Kombëtaren, Kristian Panuçin. Raportohet nga mediat greke se Enea Mihaj do të rikthehet në fushën e blertë, menjëherë në fillimin e muajti janar, pas atij dëmtimi që pësoi me Shqiperinë.
Përveç Mihajt, në skuadrat respektive, është njoftuar gjithashtu edhe për rikthimin e mungesave të mëdha që kanë patur kuqezinjtë kohët e fundit. Bëhet fjalë pikërisht për Abrashin, Sadikun dhe Roshin. Përsa i përket Abrashit dhe Sadikut, janë rikthyer të stërviten me grupin, pas një kohe shumë të gjatë, ku dëmtimet i lanë jashtë fushës së blertë për një kohë të gjatë.
Nga ana tjetër Roshi ka statruar një fazë rikuperimi tepër të vrullshëm, ku me mesfushorin kuqezin po merren veçanërisht mjekët e skuadrës italiane, Juventus. Mesa duket festat e fundvitit, Panuçi do t’i kalojë në qetësi duke parë titullarët e tij të rikuperohen dhe më në fund të jenë në dispozicionin. Me këto ritme, muaji mars vjen shpejt dhe eleminatoret e Europianit, Kristian Panuçi mund të fërkojë duart pasi mund të ketë të gjithë grupin të gatshëm. /Shqiperia.ch/