
Mërgim Mavraj është lojtari i Arisit dhe gjithçka është mbyllur. Mbrojtësi i Kombëtares mund të marrë frymë lirisht, pas një periudhe shumë të vështirë të kaluar në sezonin e fundit, ndoshta më të vështirin edhe të karrierës së tij.
Tashmë Mavraj ka folur për herë të parë si futbollisti i Arisit, teksa në një intervistë për mediat greke, është shprehur se e imagjinon që në këtë moment sesi është të luash për këtë ekip, ndërsa thekson faktin se ka mbërritur në Greqi, falë Migjen Bashës.
“Unë jam vërtet shumë i lumtur që gjendem këtu. E gjeta vetveten në fushë dhe mund të them se e shoh që tani sesi do të jetë të jem pjesë e këtij ekipi, përkrah atyre tifozëve.
Basha më tha shumë gjëra të mira që më bindën të vija këtu. Tashmë unë do të flas me shokët e tjerë të skuadrës, trajnerin, për të parë atmosferën në dhomat e zhveshjes. Është një aventurë e re, një sfidën e madhe”, ka thënë Mavraj. /Shqipëria.ch/