
Rei Manaj është kthyer në një idhull te tifozët e Albasetes. Kjo jo vetëm për shkak të golave të shënuara nga ana e sulmuesit shqiptar, që janë të shumtë, por për sjelljen e tij brenda dhe jashtë fushës.
Tashmë ky lojtar ka ndryshuar rrënjësisht dhe bën gjithçka, vetëm për të qënë në fushën e blertë. Së fundmi, Manaj ka qënë në stërvitje me një fashë në gjurin e djathtë, sipas asaj që raportojn gazetat spanjolle në ditën e sotme.
Ndërkohë që pak kohë më parë, lojtari i Shqipërisë është parë me një maskë në fytyrë, pas asaj goditje të rëndë që morri gjatë ndeshjes së Albasetes, duke u përplasur me fytyrë në tokë dhe duke shkuar menjëherë në spital. Nuk bëhet fjalë për ankesa, justifikime dhe gjithçka tjetër për t’u larguar nga qendra stërvitore. Manaj tashmë më shumë po ngjason me një luftëtar në këtë skuadër. /Shqiperia.ch/