Nëse ka një lojtar që i mungon kombëtares shqiptare, atëherë ai padyshim që është Amir Abrashi. I cilësuar si “maratonomaku” dhe “frymëmarrja” e kuqezinjve, mesfushori që luan në Gjermani, është gjithmonë lojtari që përshkruan më shumë kilometra në fushë, në fundin e 90 minutave.
Pas një mungese të gjatë në fushën e lojës, Amir Abrashi mund t’i bashkohet Shqipërisë që në nëntor. Gjithçka varet nga koha dhe mënyra sesi gjërat do i shkojnë mesfushorit shqiptar. Deri në këto momente, Abrashi e ka nisur stërvitjen, duke iu bashkuar skuadrës.
Megjithatë ai ende nuk është i gatshëm për të luajtur për skuadrën e Freiburgut. Koha që Abrashi të rikthehet në fushën e lojës duket të jetë e afërt, ndërsa Shqipëria e pret me padurim rikthimin e një lojtari të tillë. /Shqiperia.ch/