Në kampionatin italian, Napoli arriti të merrte një fitore tepër të çmuar në minutat shtesë të takimit përballë skuadrës së Kaljarit. Këta të fundit pësuan golin e vetëm të takimit pikërisht vetëm pak para fundit të ndeshjes, ku suluesi Milik, i dha fitoren ekipit të Napolit.
Ajo çka ra në sy në këtë sfidë, ishte se mbrojtësi kuqezi, Elseid Hysaj, nuk u aktivizua nga trajneri i tij, Ançeloti. Legjionari i Kombëtares dhe njëkohësisht lojtar i Napolit, këtë përballje mundi ta shohë vetëm nga pankina. Tashmë në Itali, po shtohen akoma edhe më shumë zërat për një largim të mundshëm të shqiptarit nga Napoli.
Gazetari i njohur italian, Antonio Corbo, mbrëmjen e djeshme ka analizuar fitoren e Napolit në transfertën kundër Kaliarit. Ai e ka komentuar këtë përballje që skuadra e Ançelotit mori një fitore tepër të mundimshme në këtë sfidë. Corbo gjithashtu ka folur edhe për Hysajn, teksa ka theksuar se lënia e tij në stol dhe aktivizimi i pakët këtë sezon, përforcon akoma dhe më shumë idenë që shqiptari do të largohet nga Napoli.
“Shpesh herë, Malkut po e shohim të luajë në krahun e djathtë. Gjë kjo që ka ulur automatikisht Hysajn në stol. Sipas mendimit tim, gjithmonë e më shumë po përforcohet idea e largimit të shqiptarit tek skuadra e Chelsait”, u shpreh mes të tjeras gazetari i njohur, Antoni Corbo. /Shqiperia.ch/