Beshiktashi ka hedhur sytë nga mbrojtësi shqiptar, Berat Gjimshiti. Ekipi i njohur turk nuk është aspak në një situatë të favorshme, teksa disa lojtarë i janë larguar nga ekipi.
Arsyeja? Mungesa e pagës, që ende nuk është zgjidhur nga kjo skuadër. Në këtë mënyrë u largua edhe ish-mbrojtësi i Realit të Madridit, Pepe. Drejtuesit e ekipit turk po provojnë të marrin shërbimet e Gjimshitit nga Atalanta, megjithëse ka ende për t’u diskutuar.
Përveç pjesës së sigurimit financiar, Beshiktashi duhet të bind lojtarin e Kombëtares edhe për projektin e së ardhmes, pasi sot në futboll nuk të mjafton vetëm fanella e rëndë për të fituar. E kush më mirë se Beshiktashi e di një gjë të tillë, duke parë situatën në të cilën gjendet. /Shqiperia.ch/