Familja Xhaka po kompletohet gjithmonë e më shumë edhe në aspektin personal, pas suksesit të madh të Granitit dhe Taulantit në karrierë. Mesfushori i Arsenalit dhe gruaja e tij Leonita po presin fëmijën e tyre të parë.
Nga ana tjetër, Taulant Xhaka ka marrë “PO” nga Arbnora, për t’u martuar. Nervat dhe emocionet e propozimit, bën që lojtari i Bazelit të kishte edhe një gafë. Në foton e publikuar në “Instagram”, shihet Xhaka që deri diku propozon vetveten, duke e kthyer unazën nga ana e tij dhe jo e Arbnoras.
Kjo fotografi ka marrë shumë pëlqime dhe urime nga shokët e skuadrës së Taulantit dhe lojtarë të ndryshëm në Europë. I vetmi që i është afruar më shumë të vërtetës, është mbrojtësi i Dortmundit, Manuel Akanji, që dikur ka qënë pjesë e Bazelit: “Vëlla, mos ndoshta duhej ta ktheje unazën tek ajo?”, pyet me humor Akanji. /Shqiperia.ch/