Tashmë duhen edhe pak ditë për t’u hapur merkato dimërore. Në cdo klub kanë filluar spekulimet për lojtarët që mund të bashkohen ose largohen gjatë këtij afati.
Në kampin e skuadrës italiane Genoa, në faqen mediatike “GenoaNews1893”, ka dalë lista e lojtarëve që ky ekip do të tentojë të afrojë në këtë merkato. Në listë prioritet ishte edhe portieri i Kombëtares sonë, njëkohësisht edhe i Atalantës, Etrit Berisha. Në 16 javë të Seria A, Genoa ka pësuar plot 33 gola, një shifër e lartë kjo përsa i përket një skuadre si kuqeblutë, që kanë një eksperiencë të madhe në Seria A.
Përsa i përket Berishës, emri i gardianit kuqezi është hequr nga kjo listë, kjo për shkak se Atalanta e ka konfirmuar si portier të parë dhe shifra që mund të duhej për të transferuar portierin do të ishte shumë e lartë. Edhe pse Etriti gjendet në listën e dëshirave të Genoas, një finalizim i kësaj goditjeje do të ishte shumë e vështirë, duke parë edhe mënyrën sesi kanë shkuar gjërat së fundmi, kjo e thënë nga vetë mediat pranë klubit italian. /Shqiperia.ch/