Futbollistët shqiptarë janë duke kaluar një formë të jashtëzakonshme në Europë me klubet e tyre respektive. Armando Sadiku ka bërë golin e karrierës, në atë përballje që Lugano fitoi në transfertë me rezultatin 0-1 ndaj Bazelit.
Ndërkohë që Ermir Lenjani nuk ndalet me formën e tij fantastike që po tregon në Zvicër. Dy gola arriti të shënonte në ndeshjen e fundit ndaj Thunit, ndërsa këtë herë ia ka dalë edhe me Luzernin. Goli i parë i takimit do të vinte në sekondën e 10, që ishte edhe me i shpejti për këtë sezon në Zvicër. Por lojtari i Kombëtares nuk u ndal me kaq, pasi dha edhe asisit në golin e dytë të Sionit, në atë barazim në shifrat 2-2 ndaj Luzernit. /Shqiperia.ch/