Breshia nuk kishte vetëm një futbollist shqiptar në përgatitjet që zhvilloi për nisjen e sezonit të ri. Përveç Emanuele Ndojit, në listë gjendej edhe sulmuesi 17-vjeçar, Brijan Ibrahimi.

Megjithatë trajneri i ekipit të parë të Breshias që do të jetë pjesë e Serisë A, vendosi që ta rikthente përkohësisht Ibrahimin te të rinjtë. Vetë faqja zyrtare e klubit italian ka shpërndarë lajmin se sulmuesi në fjalë ka marrë ftesën e Shqipërisë U-19. Ky lojtar ndodhet në listë për t’u grumbulluar nga data 4-12 gusht. /Shqiperia.ch/

Nëse e vlerësoni punën e “Shqiperia.ch” si media e vetme e përkushtuar me lojtarët e Kombëtares dhe sportistët shqiptarë, mund të kontribuoni për zgjerimin e projektit dhe vazhdimësinë tonë në të ardhmen.