Milani është duke vazhduar serinë pozitive të rezultateve, ndërsa këtë herë ka mposhtur me rezultatin 3-0 Empolin. Megjithëse në shifra duket si të ishte një ndeshje elementare, duhej sërish aftësia e të përhershmit Piatek, që të vinte edhe zhbllokimi i shifrave.
Faktikisht ky lojtar është duke i kthyer emrin e madh kuqezinjve, ndërsa rezulton edhe si goditja më e madhe e merkatos dimërore. Në 5 ndeshjet e fundit, Piatek ka arritur të shënojë 7 gola. Të dhëna mbreslënëse këto për një sulmues të Milanit, ndërsa kuqezinjtë vuanin shumë për “njeriun gol” në këto kohë.
Ekipi i Gatuzos aktualisht ndodhet në vendin e katërt, që të jep “Championsin” për sezonin e ardhshëm, me 4 pikë distancë nga ndjekësit e Romës, që janë edhe më të afërt. Ndërsa rivali i përjetshëm, Interi, ndodhet një pikë larg kuqezinjve dhe do i duhet të luajë në transfertën e vështirë ndaj Fiorentinës. /Shqiperia.ch/
Great movement into the box there, goes round the back of the defender to open up space for the low cross #Piatek #ACMilan #Movement #Golazo https://t.co/DEIC3fCiQF
— Edge Soccer Services (@EdgeSoccerServ) February 22, 2019