Ditën e sotme skuadra e Lacios, ku luajnë shqiptarët Strakosha dhe Valon Berisha ka rritur të triumfojnë me rezultatin 2-0 në transfertën e Parmës. Valon Berisha u bë protagonist në këtë sfidë, ku kishte meritën e plotë në zhbllokimin e shifrave.
Ndonëse në këtë përballje nuk ishte titullarë me ekipin lacial, Valon Berisha, u aktivizua në minutën e 57, duke i zënë vendin Lukas Leivës. Dardanasi arriti që në minutën e 80 të fitonte një penallti, që u shndërrua në gol nga sulmuesi italian, Çiro Imobile. Sulmuesi i përfaqësueses së Kosovës ndihmoi skuadrën e Lazios t’ia hidhte paq nga një trasnfertë shumë të vështirë si ajo e Parmës, ndërsa goli i dytë erdhi kur e gjithë ekipi i Parmës ishte hedhur në sulm në sekondat e fundit.
Valon Berisha javë pas jave po arrin të fitojë besimin e trajnerit të ekipi të Lazios, ku me këto ritme shumë shpejt do ta shohim titullarë me të kaltërit. Kujtojmë që para pak ditësh numri një i pankinës laciale, Simone Inzaghi, u shpreh se ishte tepër i kënaqur me dardanasit dhe se po rikthehet në formën e tij më të mirë. Kështu pra, Valon Berisha u tregon edhe njëherë kritikëve italianë, se futbollistët shqiptarë nuk shkojnë tek Lacio vetëm falë Igli Tares, por edhe me meritat e tyre. /Shqiperia.ch/
Gagliolo berisha rigore #parmalazio 0-1 pic.twitter.com/4vkhd5INu0
— Topolino Gol (@GolTopolino) October 21, 2018