
Gjatë ditës së sotme janë luajtur dy ndeshjet çerekfinaliste të “Champions League”, atje ku Totenhemi ka fituar me rezultatin 1-0 ndaj Manchester City, ndërsa nga ana tjetër Liverpuli ka kaluar Porton në shifrat 2-0.
Por jemi në kohën e internetit, me një situatë komike që ka marrë dhenë në rrjetet sociale. Një tifoz është fokusuar gjatë minutës së 85 të takimit të Totenhemit, që kishte një ngjashmëri të frikshme me trajnerin e Liverpulit, Jurgen Klop.
Në “Twitter” janë të shumta postimet e tifozëve, që shprehen se gjermani “ka braktisur” Liverpulin e tij, vetëm për të parë një ndeshje më emocionuese, si ajo Totenhem-Manchester City. Sigurisht e gjitha kjo është një situatë komike, pasi Klop jo vetëm që ka qënë në karrigen dhe detyrën e tij, por e ka bërë atë sërish në mënyrën më të mirë, pasi Liverpuli është me një këmbë në gjysmëfinale. /Shqiperia.ch/