Një lojtar i mrekullueshëm dhe që nuk e gjen një të dytë lehtësisht për të tek Zurich, Kololli ka qenë një lojtar i pazëvendësueshëm me formën që ka treguar kohët e fundit.
Nëse futbollisti i Kosovës nuk ishte duke shënuar, atëherë me patjetër që po ndihmonte skuadrën me pasën e fundit te goli. Por gjërat nuk kanë shkuar kështu në takimin e fundit, atje ku Zurich fiton ndaj Leverkusenit me rezultatin 3-2.
Pasi kishte shënuar thuajse gjithmonë në kohët e fundit, aqsa e kishte bërë “baltë”, Kololli nuk ka arritur të gjejë rrjetën ndaj skuadrës gjermane. Gjithsesi, për Zurich ka shënuar një tjetër shqiptar. Flitet vetëm për origjinën e tij, sepse Domgjoni është mesfushori që ka zgjedhur Zvicrën për të përfaqësuar dhe ndodhet në 21-vjeçarët e helvetëve. /Shqiperia.ch/