Ky është momenti kur Igli Tare shfaq të gjitha vlerat e tij në Itali, ndërsa jemi në periudhën e merkatos së verës. Gjithmonë legjenda e Kombëtares di të godas me transferimet që kryen, prandaj edhe zgjidhet si më i mirë në Serinë A në detyrën që zotëron.
Së fundmi “bomba” është hedhur në mediat boshnjake, të cilat shprehen se Mario Mandzukiç është shumë pranë Lacios. Faktikisht flitet për kampionin e heshtur të Juventusit, që ndoshta nuk është idhulli i tifozëve dhe njeriu më i dashur, por është gjithmonë jetik në ndeshjet më të rëndësishme.
Padyshim që flitet për objektivin kryesor të Tares për t’u mbyllur në këtë merkato, për të transferuar sulmuesin e bardhezinjve te Lacio. I vetmi problem që e pengon disi lëvizjen, është fakti se futbollisti 33-vjeçar përfiton 5 milionë euro në vit dhe buxheti i kryeqytetasve nuk mund ta përballoj një shifër të tillë. /Shqiperia.ch/