Shumë dyshime kishte mbi mbrojtësin e Shqipërisë, sa i përket tifozëve të Arisit. Këta të fundit nuk ishin të bindur nga Mërgim Mavraj, duke parë këtu edhe kohën e gjatë që ky futbollist kishte ndenjur pa ekip.
Megjithatë mjafton vetëm një shans dhe mbrojtësi shqiptar tregon vlerat e tij. Në derbin ndaj PAOK-ut, Mavraj ishte një nga futbollistët më të mirë të takimit. Vlerësimet e mëdha të marra në Greqi, nuk kanë të mbaruar për shqiptarin.
“Sporttime.gr” shkruan se tashmë është kuptuar arsyeja se përse trajneri Errera i besoi një fanellë të Arisit këtij futbollisti të ri, e për më të tepër në një ndeshje derbi si ajo ndaj PAOK-ut. Duket sikur ka vite që luan në fushën e lojës, Mavraj ka vërtet kualitete të mëdha. /Shqipëria.ch/