Keidi Bare u largua në ekipin e Malagës në fundin e sezonit që lamë pas, duke ndërmarrë një aventurë të re, ndërsa për shumë kohë ishte pjesë e Atletiko Madridit.
Ende një mister mbetet nëse spanjollët po e llogarisin kapitenin e shpresave për ekipin e parë, apo për të ndihmuar vetëm skuadrën e tyre të dytë. Disa ditë stërvitje dhe prezantimi i fanellave zyrtare të skuadrës, ka qenë me ekipin e parë për Keidi Baren.
Megjithatë kur bëhet fjalë për fushën e lojës, atëherë mesfushori shqiptar luan me të rinjtë. Këta të fundit kanë mposhtur me rezultatin 2-0 Atletico Malagueno, ndërsa Bare ka debutuar nga minuta e parë, duke u larguar nga fusha e lojës me fillimin e pjesës së dytë. /Shqipëria.ch/