
Werderi ka arritur të marrë një fitore të rëndësishme gjatë ditës së djeshme në Kupën e Gjermanisë, teksa ka mposhtur me rezultatin 0-2 ekipin e Shalkes. Një triumf që erdhi falë golit të Rashicës, falë një kryevepre të vërtetë nga distanca.
Një magji e jashtëzakonshme, që ka marrë vëmendjen e mediave sportive në Europë. Vlerësime të mëdha erdhën pas ndeshjes për lojtarin shqiptar nga kapiteni i Werderit, Kruse: “Nuk realizuam një lojë të mirë me Shalken. Por këto ndeshje fitohen edhe me një rast të vetëm, si gjuajtja e Rashicës. Ky lojtar po na bën një punë të madhe”.
Ndërkohë trajneri Kohfeld mes të qeshurave dhe vlerësimit të madh, është shprehur: “Çfarë bëri Rashica? E bëni edhe ju.(Qesh) Ai po bën një kapërcim të madh dhe ka fituar besimin e nevojshëm te vetja, për të kryer edhe realizime të tilla”, ka thënë trajneri i Werderit. /Shqiperia.ch/