Ezgjan Alioski kaloi një nga momentet më të vështira, duke u përballur me racizmin se ishte shqiptar, në vendin që përfaqëson, Maqedoninë e Veriut. Menjëherë pasi foli gjuhën shqipe në një prej restoranteve, kamarieri i tregoi derën për t’i thënë se nuk ishte i mirëpritur.
E gjitha kjo kaloi kur u mor vesh se bëhej fjalë për Alioskin. Tashmë i përket së shkuarës, ndërsa emri i këtij futbollisti bëhet gjithmonë e më i dëgjuar në Europë. Së fundmi është Marseja që troket në derë, duke kërkuar me ngulm shërbimet e sulmuesi. Pas një sezoni të mirë të kaluar te Lidsi, francezët nisën interesimin për të marrë një lojtar me kualitet të lartë si Alioski. Vlera e këtij të fundit është 4 milionë euro, prandaj çmimi nuk do të jetë problem për të mbyllur marrëveshjen. /Shqiperia.ch/