Egli Kaja është një nga disa risitë në listën e Panuçit. Duket se italiani ka qënë në kërkim të një mesfushori të krahut të djathtë, pasi me mungesën e Odise Roshit në ndeshjet e fundit, Kombëtarja ka shfaqur probleme në këtë pozicion.
Mesa duket këtë lojtar Panuci e ka “zbuluar” futbollistin e duhur në “Ligën One” në kampionatin anglez. Egli Kaja, është në kontratë me ekipin e Livingstong në Skoci, por në këtë merkato është transferuar tek klubi i Wimbledon, i cili luan në kampionatin anglez.
Ky lojtar, i cili është një nga risitë e listës së Panuçit për dy ndeshjet e rradhës dhe të gjithë janë kurioz të shohin se ç’vlera mbart një lojtar si Egli Kaja. Një tjetër gjetje dhe bast nga teknikut italian, që sapo ka ardhur në drejtimin e Kombëtares, ka kërkuar të ndihet dora e tij në grupin e lojtarëve. /Shqipëria.ch/