Besir Demiri ka qenë pjesë e Maqedonisë më parë, ndërsa vetëm përpara kohësh ka bërë zgjedhjen përfundimtare për t’iu bashkuar Shqipërisë.
Një sezon fantastik është duke kaluar mbrojtësi i majtë te Mariupol në Ukrainë, duke u zgjedhur thuajse në çdo javë si më i miri në krahun e tij. Por duke parë rikthimin e Lenjanit dhe Binakun në krahun e majtë, Panuçi vendosi të mos e grumbullonte Demirin.
Tashmë ky i fundit jep një shembull për gjithë futbollistët e tjerë, teksa në një intervistë për “Lajm TV”, tregon se nuk mund të krahasohet ndjenja e të luajturit me Maqedoninë dhe asaj me Shqipërinë.
“Atëherë më duhet të them se trajneri bën zgjedhjet e tij, nuk mund ta kundërshtoj Panuçin. Kam ndierë gjithmonë emocione të mëdha në ditët kur isha pjesë e Shqipërisë, ndërsa ndaj Izraelit ishte kulmi i tyre. Po e vërtetë, kam qenë pjesë e Maqedonisë më parë, por nuk krahasohet ndjenja e të gjitha atyre grumbullimeve, me atë kur ishte pjesë e Shqipërisë. Nuk do të dorëzohem, do të vazhdoj të punoj për Kombëtaren”, u shpreh Demiri. /Shqiperia.ch/