Empoli nuk heq dorë nga mbrojtësi shqiptar, Veseli pritet të jetë sërish titullar në ndeshjen e sotme që skuadra e tij do të luajë në transfertë ndaj Sasuolos.
Një sezon aspak i mirë u duk ky për Veselin, teksa futbollisti shqiptar nuk po preferohej si titullar nga ana e trajnerit të ekipit italian, ndryshe nga sezoni i shkuar. Kur Empoli ishte në Serinë B, mbrojtësi shqiptar ishte gjithmonë një titullar i pazëvendësueshëm.
Kjo nuk ndodhi edhe në elitën e futbollit italian, megjithatë shqiptari po i merr maksimumin shanseve të tij. Në funksionin e “mbretëreshës”, Veseli mund të luajë kudo në mbrojtje. Në qendrën e saj e kemi parë shpeshherë, në krahun e djathtë po ashtu, ndërsa në ndeshjen e fundit është provuar nga ana e trajnerit Andreazoli edhe në krahun e majtë të mbrojtjes.
Pavarësisht rikthimit nga dëmtimi të Paskual, arsyeja që mbrojtësi i Kombëtares u aktivizua si titullar në ndeshjen e fundit, historia nuk do të ndryshojë as ndaj Sasuolos. /Shqipëria.ch/