Taulant Xhaka do të jetë zëvendës kapiteni për sezonin e ardhshëm te Bazeli, skuadra me histori të madhe në Zvicër dhe Europë. Por ky nuk do të jetë ndryshimi i vetëm për mesfushorin shqiptar, që vlerësohet pas shumë sezonesh besnikërie.
Në përballjen e sotme miqësore, Bazeli ka fituar me rezultatin 4-0 ndaj Nurenberg. Ajo që është parë në këtë përballje, ishte aktivizimi i Taulant Xhakës si mbrojtës i djathtë. Faktikisht ky është edhe pozicioni natyral i këtij lojtari, por që ndryshoi me ardhjen te Kombëtarja.
De Biazi do ta provonte në mesfushë me kuqezinjtë, ndërsa ky pozicion i ri u natyralizua edhe në ekip. Sipas asaj që raportohet në mediat zvicerane, hidhet hipoteza që ky rol i ri të jetë për Taulant Xhakën te Bazeli në sezonin e ardhshëm. Kjo pasi ofron siguri të madhe, ndërsa në qendrën e mesfushës ka shumë lojtarë që luajnë për një vend. Ndërsa në krahë të mbrojtjes, konkurrenca e Widmer i lejon shumë hapësira për ta kthyer në lojtar të pazëvendësueshëm. /Shqiperia.ch/