Kryefjala e mediave shqiptare në ditët e fundit, ishte padyshim Ardian Ismajli. Ky i fundit zgjodhi të linte Kosovën dhe t’i bashkohej Shqipërisë, ndërsa tekniku Shaland u kujtua vonë që ta thërriste në takimet e fundit.
Asgjë nuk është mbyllur në mënyrë zyrtare, por sipas të gjitha gjasave, mbrojtësi i Hajdukut të Splitit do të jetë në listën e Panuçit për takimet e nëntorit. Nëse ka pasur disa kritika për Ismajlin, përveç pjesës së mënyrës sesi vendosi për kuqezinjtë, ishte padyshim edhe minutazhi i tij në fushën e lojës.
Ekipi kroat e kishte harruar që në grupin e tij kishte edhe një lojtar si Ardian Ismajli, që për hir së vërtetës është i jashtëzakonshëm në qendër të mbrojtjes. Por u desh një rrëmujë e tillë, që Hajduku i Splitit të kuptonte sesa vlente ky futbollist.
Fillimisht e provuan ndaj Rijekës në kampionat, atje ku mbrojtësi shqiptar bëri një paraqitje shumë të mirë. Për të vazhduar me një tjetër paraqitje dinjitoze në Kupë, ndërsa mediat në Kroaci e quajnë si një zbulim të fundit të trajneri Vuliç:
“Gjetja e Vuliç rezultoi e drejtë me Ismajlin në mbrojtje. Ai jo vetëm që e ndihmoi aq shumë mbrojtjen, por edhe pjesën sulmuese të skuadrës. Trajneri u shpreh se “makina e vogël” ka filluar të rregullohet, megjithëse ka nevojë edhe për disa përforcime. Edhe njëherë, gjetja e trajnerit quhet Ismajli”, shkruan “Slobodnadalmacija”. /Shqiperia.ch/