Islanda ka një problem serioz sa i përket portës, përpara ndeshjes me Shqipërinë. Një ndryshim ka ardhur në minutat e fundit, atje ku portieri Runar Alex Runarsson është larguar nga grumbullimi, për shkak të dëmtimit.
Vendin e tij e ka marrë Ingvar Jonsson, futbollisti i cili luan me ekipin e Viborgut. Sa i përket portierit të parë të Islandës, gjithmonë i është besuar Halldorsonit. Megjithatë ky i fundit nuk është duke kaluar një moment të mirë në karrierën e tij, duke marrë shumë kritika, e duke përfunduar në stol shpeshherë.
Për takimin ndaj Shqipërisë u mendua edhe një ndryshim i portierit te Islanda, por duke marrë parasysh zhvillimet e fundit, atëherë Halldorson pritet të jetë sërish si titullarë. /Shqiperia.ch/