Disa vendime shpeshherë janë ato që vendosin edhe fatin e jetës tonë. E hapi i hedhur nga Kastrati, është më shumë sesa i guximshëm, është një prej atyre zgjedhjeve, të cilat nuk i kthen dot më pas dhe të shënjojnë gjithë karrierën.
E tillë ishte deklarata e bëri së fundmi nga ana e talentit Lirim Kastrati, i cili shprehte hapur dëshirën për të përfaqësuar Kroacinë, pasi Shqipëria dhe Kosova janë më të dobëta me futbollistët që kanë aktualisht.
Por, ironikja qëndron në faktin që po i njëjti futbollist, i cili deri diku me të drejtë mund të cilësohet si “tradhëtar”, brenda kuptimit futbollistik, përpara vetëm pak kohësh premtonte besnikëri.
Në një intervistë për “Rilindja e Re”, Kastrati shprehej se do të ishte gjithmonë i gatshëm për të dhënë maksimumin , vetëm për Kosovën, pa marrë parasysh grupmoshën që bëhej fjalë.
“Po është e vërtet, më kanë ftuar para disa ditëve dhe do të jem pjesë e përfaqësueses së Kosovës U21. Është një privilegj i madh për arsye se jam vetëm 18 vjeç dhe do luaj me U21 .Unë do jem gjithmonë i gatshëm të jap maksimumin për Kosovën pa marrë parasysh se për cilën grupmoshë bëhet fjalë”, shprehej Kastrati, që tashmë dëshiron të veshë fanellën e Kroacisë. /Shqipëria.ch/