Azdren Llullaku ka shënuar golin e parë për vitin 2019, ndërsa këtë herë ka mundur të finalizojë ndaj Young Boys. Në miqësoren e luajtur gjatë ditës së sotme, përballja mes Astras dhe zviceranëve, ka përfunduar me rezultatin 1-1.
Goli i vetëm për ekipin rumun ka ardhur nga futbollisti shqiptar, që vazhdon me nuhatjen e madhe sa i përket golave. Azdren Llullaku e ka humbur Kombëtaren gjatë kohëve të fundit, duke mos u bërë pjesë e listës së Panuçit.
Gjithsesi, nëse ky lojtar vazhdon në këto ritme, atëherë nuk do të jetë e vonë dita kur Llullaku të vijë sërish te Shqipëria. Sigurisht, nuk po bazohemi vetëm te ky gol në miqësore, por edhe në kampionatin rumun, atje ku sulmuesi shqiptar e ka gjetur shpeshherë rrugën e rrjetës. /Shqiperia.ch/