Së fundmi kishte realizuar me Panioniosin në kampionat, e këtë gjë e ka bërë edhe në ditën e sotme në Kupë. Fiorin Durmishaj ndodhet në një formë të jashtëzakonshme, e për këtë në Greqi kanë pak dyshime.
Panioniosi ka fituar me rezultatin 1-2 ndaj Herdotus, duke kaluar më tej në Kupë. Një dorë e madhe ka ardhur nga sulmuesi shqiptar, që ka shënuar golin e dytë të takimit për ekipin e tij. Durmishaj nuk ka gabuar nga pika e bardhë në minutën e 78, pavarësisht përpjekjes dhe devijimit të portierit.
Flasim për futbollistin që pritet t’i bashkohet Shqipërisë në kualifikueset e Europianit, ndërsa në 14 ndeshje ka shënuar 5 gola dhe dhuruar 1 asist. /Shqiperia.ch/