Fatkeqësisht, duhet të themi i ndjeri Josip Kuzhe dhe jo thjesht Josip Kozhe. Jeta shpeshherë tregohet ironike dhe e padrejtë në disa raste, e në njërin prej tyre, përfshihej edhe trajneri kroat.
I dashuruari përjetësisht pas Shqipërisë, padyshim që Kuzhe dallon lehtësisht nga të gjithë trajnerët e tjerë që ka pasur Kombëtarja jonë. Ndoshta e kishit harruar, por “Shqipëria.ch” është këtu, për të sjellë kujtimet e bukura të kësaj Shqipërie të bukur. Ndoshta e kishit harruar faktin që kroati në çdo ndeshje kishte një zgjidhje që asnjëherë nuk e ndërronte, mbajtjen e shallit me flamurin kombëtar.
Kuzhe do të mbante gjatë çdo ndeshje të Shqipërisë shallin me simbolet tona, duke u krenuar me to, ndoshta edhe më shumë se vetë në që jemi lindur në këto treva. Thonë se në histori ngelesh vetëm nëse arrin ato vepra, që askush nuk i ka bërë përpara teje, si në rastin e De Biazit ndoshta. Por gjithmonë ka vend për përjashtime. Ne kujtojmë edhe njerëzit që na kanë dhënë dashurinë e tyre pa kushte, duke u munduar të bëjnë maksimumin për Shqipërinë. Kaq na mjafton! /Shqipëria.ch/