
Elseid Hysaj ishte shumë pranë largimit nga ekipi i Napolit në fundin e merkatos që lamë pas, i cili mund t’i thoshte lamtumirë të kaltërve. Ajo çka raportonte “Calciomercato.com” tregon se oferta e Mançester Junajtid, ishte shumë serioze kundrejt mbrojtësit shqiptar, por arsyeja që u tërhoq nga blerja e mbrojtësit kuqezi, ishte klauzola e majme që kishte vendosur Napoli, që ishte 50 milion euro.
Për arsyje të far playt financiar, Hose Murinjo u tërhoq nga blerja e legjionarit të Kombëtares. Për shkak të mos arritjes së transferimit të Elseidit tek Junajtid, trajneri i djajve të kuq kontaktoi me Diogo Dalot, i cili e mori atë nga ekipi portugez i Portos.
Që me ardhjen e Ançelotit tek Napoli, duket se Elseid Hysaj është transferuar në një tjetër lojtarë. Trajneri italian duket se i ka gjetur ilaçin lojtarit kuqezi, teksa në ndeshjet e para në këtë fillim kampionati, ka marrë notat maksimale për paraqitjen e tij. /Rexhino Begolli-Shqipëria.ch/