Breshia ka arritur të fitojë me rezultatin 3-2 ndaj Cremoneses, në një takim dramatik që dhuroi emocione deri në sekondën e fundit në Serinë B.
Do të ishte mesfushori shqiptar, Emanuele Ndoj ai që do t’i vendoste vulën takimit. Në minutat shtesë, futbollisti shqiptar ka mposhtur portierin kundërshtar, duke i dhënë tre pikë të arta ekipi të tij. Pas kësaj fitore, Breshia ngjitet në vendin e dytë duke qenë një nga kandidatet kryesore, për ngjitjen në Serinë A.
Ndoj është quajtur në Itali edhe si “Hammeri shqiptar” nga tifozët, të cilët shohin te ai një lojtar me aftësi të mëdha, përtej dyshimeve të shumta që kanë në ambientin sportiv të Shqipërisë. /Shqiperia.ch/