Një hakmarrje e përmbushur mund të quhet ajo e ditës së djeshme, ku Lacio arriti të fitonte me rezultatin 0-1 ndaj Empolit. Portierët respektivë të të dy ekipeve, Terraciano dhe Strakosha, nuk ishin të panjohur me njëri-tjetrin.
Përpara 3 viteve, do të ishte pikërisht Terraciano, ai i cili do të ulte në stol portierin shqiptar te Salernitana. Strakosha luajti në atë sezon shumë pak ndeshje dhe e pa veten në vështirësi, megjithëse kishte shkuar në Serinë B për të pasur më shumë hapësira.
Rruga e dy portierëve u nda më pas, teksa Strakosha u rikthye te Lacio, ndërsa Terraciano përfundoi te Empoli. Përpara syve të tij, gardiani shqiptar do të bënte dy pritje të mrekullueshme, por ai top i larguar me këmbë në sekondën e fundit, kishte vlerën e një goli të shënuar. Strakosha ia doli sërish! /Shqipëria.ch/