Eros Grezda është një nga legjionarët e kombëtares shqiptare që ka bërë lëvizjen më të bujshme në këtë merkato, teksa nga Osijek, ka nënshkruar me Rangers.
Futbollisti shqiptar pritet që të përmirësojë shumë në aftësitë e tij, pasi do të jetë nën urdhërat e legjendës angleze të futbollit, Steven Gerrard. Në një intervistë për “Supersport”, lojtari i Kombëtares, ka zbardhur edhe bisedën e tij me trajnerin Gerrard.
“Nuk e kisha menduar të transferohesha kaq shpejtë në një skuadër të tillë. Por kur pashë ambientet e klubit, ngela pa fjalë. Kanë histori të madhe, aqsa kanë 50.000 shikues pavarësisht emrit të kundërshtarit. Mezi po pres të luaj për ta.
Me Gerrard nuk isha takuar më parë. Kur erdha në stërvitje në fillim, më takoi personalisht. Ai më tregoi projektet që ka në skuadër, duke më përfshirë padyshim edhe mua në to. Ka besim të madh tek aftësitë e mia, ndërsa më duhet të them se ishte njeri i thjeshtë dhe me elegancë”, ka thënë Grezda. /Shqipëria.ch/