St Joseph bëri surprizën e madhe ndaj Prishtinës, duke fituar me rezultatin 2-0 në takimin e dytë pas atij barazimi 1-1 në përballjen e parë. Ajo që u përfol fillimisht ishte se skuadra nga Gjibraltari ishte thuajse amatore, pasi cilësia e futbollit në atë vend lë për të dëshiruar.
Por si mbërriti në eliminim ekipi shqiptar në Europë? Një sjellje e pakuptueshme e minutës së 48, e skuadrës profesioniste vendosi të gjithë historinë. Bekteshi pëson një ndërhyrje që kërkohet faull nga Prishtina dhe nuk akordohet nga gjyqtari, ndërsa lojtari shqiptar me nervat e lojës gabon me sjelljen e tij ndaj lojtarit kundërshtar për të marrë kartonin e dytë të verdhë, për të dalë nga fusha.
Si të mos mjaftonte e gjitha kjo, kapiteni me eksperiencën e madhe, Armend Dallku, mbërriti menjëherë për të zgjidhur me protesta dhe forcë të gjithë situatën e vështirë, për të dalë menjëherë nga fusha e lojës me kartonin e dytë të verdhë, pasi një tjetër e kishte marrë në pjesën e parë. /Shqiperia.ch/